- Inicio
- /
- Plataforma
En desenvolvemento
Plataforma SICLE CO2
A Plataforma SICLE CO2 será a infraestrutura dixital pública desenvolvida no marco do proxecto SICLE CO2 para apoiar o funcionamento do Sistema Voluntario de Créditos de Carbono da Xunta de Galicia.
O seu obxectivo será reunir nun único contorno dixital información, procesos e ferramentas vinculadas á observación do territorio, ao seguimento de proxectos, á certificación e á trazabilidade dos créditos de carbono.
A plataforma atópase actualmente en fase de desenvolvemento tecnolóxico, no marco do proxecto SICLE CO2. A súa posta en marcha levarase a cabo conforme avancen a execución e o desenvolvemento do contrato de Compra Pública de Innovación asociado ao proxecto.
Un contorno dixital para facer operativo o sistema
A Plataforma SICLE CO2 permitirá trasladar o marco normativo do SVCC a un contorno dixital de consulta, xestión e trazabilidade. Cando estea dispoñible, facilitará a organización de procesos clave: información territorial, monitorización de absorcións de CO2, certificación de proxectos e comercialización de créditos.
Mapa público de parcelas
Información sobre o potencial de absorción de CO2 en Galicia.
Monitorización de proxectos
Seguimento do rexistro, da permanencia e da detección de continxencias.
Mercado de créditos de carbono de Galicia
Un espazo para conectar proxectos e axentes interesados na
xeración e compensación mediante créditos de carbono.
Ferramentas de simulación e recomendación
Vinculadas a Carbon Farming e Blue Carbon, con xemelgos dixitais do territorio.
A trazabilidade dos créditos apoiarase na tecnoloxía blockchain, co obxectivo de reforzar a seguridade, a transparencia e a confianza nas operacións.
Máis transparencia, trazabilidade e confianza para a compensación local
A Plataforma SICLE CO2 busca facilitar o funcionamento do Sistema Voluntario de Créditos de Carbono da Xunta de Galicia mediante unha infraestrutura dixital pública, trazable e orientada aos distintos axentes do sistema.
01
Mobilización de financiamento privado
Mobilizar financiamento privado cara á conservación e á mellora dos sumidoiros naturais de carbono en Galicia: bosques, solos agrícolas e ecosistemas costeiros.
02
Credibilidade e trazabilidade
Achegar credibilidade, transparencia e trazabilidade aos créditos de carbono, cunha contabilidade rigorosa e mecanismos que axuden a evitar a dobre contabilización.
03
Metodoloxías de certificación que deberán seguir os proxectos
Impulsar prácticas de absorción adaptadas ao territorio, como o Carbon Farming e o Blue Carbon.
04
Beneficios ambientais e socioeconómicos para Galicia
Contribuír á neutralidade climática de Galicia e a un desenvolvemento territorial sostible, xerando beneficios ambientais e socioeconómicos para o conxunto da comunidade.
> A plataforma non substitúe as metodoloxías, a validación nin a verificación independente. A súa función será facilitar que a información e os procesos do sistema poidan consultarse, xestionarse e seguirse con maior claridade.
Unha única plataforma para cada axente do sistema
A Plataforma SICLE CO2 estará dirixida aos distintos axentes que participan no SVCC. Cando estea dispoñible, permitirá que cada perfil atope información e procesos adaptados ao seu papel dentro do sistema.
- PERSOAS OPERADORAS
Quen xera créditos
Persoas titulares ou promotoras de proxectos de absorción de carbono ou redución de emisións en Galicia. O seu itinerario converte un proxecto desenvolvido no territorio en créditos verificables e trazables.
- 1. Identificar o terreo ou proxecto
- 2. Aplicar unha metodoloxía aprobada
- 3. Validación inicial e inscrición no rexistro
- 4. Execución e monitorización do proxecto
- 5. Verificación posterior dos resultados
- PERSOAS COMPENSADORAS
Quen adquire créditos
Empresas, entidades, administracións ou persoas interesadas en compensar voluntariamente as súas emisións mediante créditos xerados en Galicia.
- 1. Consultar a información dispoñible
- 2. Seleccionar créditos segundo as necesidades
- 3. Formalizar a adquisición
- 4. Rexistrar a operación (contabilidade única)
- 5. Cancelar os créditos para o seu uso final
- ORGANISMOS DE CERTIFICACIÓN
Quen valida e verifica
Entidades independentes encargadas de validar e verificar que os proxectos cumpren os requisitos aplicables, achegando rigor, confianza e trazabilidade ao sistema.
- 1. Acreditación
- 2. Validación inicial dos proxectos
- 3. Revisión dos elementos técnicos esixidos
- 4. Auditorías de verificación
- 5. Xestión de evidencias e emisión de certificados
- ADMINISTRACIÓN
Coordinación e seguimento do sistema
A Xunta de Galicia actúa como autoridade competente do sistema, coordinando, supervisando e xestionando os elementos previstos no marco normativo e velando polo seu correcto funcionamento.
- 1. Gobernanza e xestión do rexistro
- 2. Aprobación de metodoloxías
- 3. Supervisión activa do mercado
- 4. Asesoramento e punto de contacto
- 5. Resolución de procedementos
Plataforma de desenvolvemento
A Plataforma forma parte do proxecto SICLE CO2 e abordarase mediante o contrato de Compra Pública de Innovación previsto para o desenvolvemento, validación e posta en servizo da solución tecnolóxica.
A información desta páxina actualizarase a medida que avancen a adxudicación, o desenvolvemento e a posta en marcha da plataforma.