- Inicio
- /
- SICLE CO2
SICLE CO2: innovación pública para unha
compensación local máis trazable
SICLE CO2, Solucións Innovadoras para a Compensación Local de Emisións de CO2, é o proxecto de Compra Pública de Innovación impulsado pola Xunta de Galicia, a través da Consellería de Medio Ambiente e Cambio Climático, para desenvolver a infraestrutura tecnolóxica do Sistema Voluntario de Créditos de Carbono da Xunta de Galicia (SVCC).
O proxecto traduce o marco normativo do sistema en ferramentas dixitais orientadas a observar o territorio, monitorizar a absorción de CO2, certificar proxectos e facilitar a comercialización de créditos de carbono con trazabilidade.
Unha infraestrutura ao servizo do sistema: SICLE CO2 non é unha iniciativa illada, senón a panca tecnolóxica do SVCC. O seu desenvolvemento permitirá integrar nun contorno dixital información territorial, seguimento de proxectos, trazabilidade de créditos e participación dos axentes do sistema.
O proxecto SICLE CO2 (SOLUCIÓNS INNOVADORAS PARA A COMPENSACIÓN LOCAL), cun orzamento de 6.817.141,40 euros, foi cofinanciado nun 60 % polo Fondo Europeo de Desenvolvemento Rexional (FEDER) no marco do Programa Plurirrexional de España 2021-2027, a través dunha axuda concedida polo Ministerio de Ciencia, Innovación e Universidades de 4.090.284,84 euros ao abeiro da Liña de Fomento da Innovación desde a Demanda (Liña FID) para a Compra Pública de Innovación (CPI).
O proxecto SICLE CO2 (SOLUCIÓNS INNOVADORAS PARA A COMPENSACIÓN LOCAL), cun orzamento de 6.817.141,40 euros, foi cofinanciado nun 60 % polo Fondo Europeo de Desenvolvemento Rexional (FEDER) no marco do Programa Plurirrexional de España 2021-2027, a través dunha axuda concedida polo Ministerio de Ciencia, Innovación e Universidades de 4.090.284,84 euros ao abeiro da Liña de Fomento da Innovación desde a Demanda (Liña FID) para a Compra Pública de Innovación (CPI).
Catro retos para facer operativo o sistema
SICLE CO2 articúlase arredor de catro retos tecnolóxicos e operativos que responden a unha mesma finalidade: dotar o SVCC dunha infraestrutura pública capaz de achegar información, seguimento, trazabilidade e confianza.
RETO 1
Mapa público de parcelas con indicador do potencial de absorción de CO2 en Galicia
Mapeo de todos os terreos de Galicia, incorporando unha estimación do potencial de absorción de CO2 de cada un conforme os parámetros de cálculo da Xunta de Galicia. Permitirá identificar superficies con potencial de absorción e mellorar a información sobre os sumidoiros naturais de carbono en Galicia.
RETO 2
Plataforma de colaboración para o intercambio de compensacións
Desenvolvemento dunha plataforma que facilite un ecosistema de colaboración para o intercambio de compensacións de emisións, baseado en principios de transparencia, comercio xusto, equidade e seguridade.
RETO 3
Seguimento de proxectos de compensación
Sistema de seguimento dos proxectos de compensación durante os 30 anos que esixe a normativa de vixilancia, mellorando a capacidade da Administración para supervisar e controlar o cumprimento do sistema.
RETO 4
Carbon Farming e Blue Carbon
Mapeo de terreos agrícolas e zonas costeiras, cunha estimación inicial do seu potencial de absorción a partir de datos de proxectos previos, incorporando o potencial de absorción de CO2 segundo as distintas técnicas dispoñibles.
RETO 1
Mapa público de parcelas con indicador do potencial de absorción de CO2 en Galicia
Mapeo de todos os terreos de Galicia, incorporando unha estimación do potencial de absorción de CO2 de cada un conforme os parámetros de cálculo da Xunta de Galicia. Permitirá identificar superficies con potencial de absorción e mellorar a información sobre os sumidoiros naturais de carbono en Galicia.
RETO 2
Plataforma de colaboración para o intercambio de compensacións
Desenvolvemento dunha plataforma que facilite un ecosistema de colaboración para o intercambio de compensacións de emisións, baseado en principios de transparencia, comercio xusto, equidade e seguridade.
RETO 3
Seguimento de proxectos de compensación
Sistema de seguimento dos proxectos de compensación durante os 30 anos que esixe a normativa de vixilancia, mellorando a capacidade da Administración para supervisar e controlar o cumprimento do sistema.
RETO 4
Carbon Farming e Blue Carbon
Mapeo de terreos agrícolas e zonas costeiras, cunha estimación inicial do seu potencial de absorción a partir de datos de proxectos previos, incorporando o potencial de absorción de CO2 segundo as distintas técnicas dispoñibles.
Que entregará SICLE CO2
SICLE CO2 permitirá avanzar no desenvolvemento dunha infraestrutura tecnolóxica pública para apoiar a xestión do Sistema Voluntario de Créditos de Carbono da Xunta de Galicia.
- Plataforma tecnolóxica de créditos de carbono de Galicia - SICLE CO2, un contorno dixital integrado que reunirá a cartografía do territorio, a monitorización da absorción de CO2, a certificación de proxectos e a comercialización de créditos.
- Un ecosistema de colaboración para facilitar a compensación de emisións e a conexión dos distintos axentes do sistema, onde se publicarán as metodoloxías aprobadas, os organismos de certificación acreditados, as normas do sistema e demais información recollida no artigo 30 do Decreto 95/2025.
- Metodoloxías de absorción de carbono adaptadas á realidade galega —ámbitos forestal, agrícola (Carbon Farming) e costeiro (Blue Carbon)—, elaboradas para a súa aprobación polo Consello da Xunta de Galicia.
- Un sistema de trazabilidade dos créditos que garantirá a transparencia e a fiabilidade de cada operación.
- Accións de formación, comunicación e asesoramento técnico dirixidas aos axentes do sistema.
Un proxecto desenvolvido por fases
SICLE CO2 é o resultado dun proceso iniciado en 2021 que avanza de forma progresiva: desde a definición da necesidade e a análise do mercado ata a posta en marcha e operación da plataforma.
Ver cronoloxía detallada
Realizada
Deseño e conceptualización
2021-2022
Definición do reto de innovación e do seu encaixe estratéxico dentro do Sistema Voluntario de Créditos de Carbono.
Realizada
Consultas Preliminares ao Mercado
2022-2023
Proceso aberto para coñecer o estado da arte e confirmar que non existía no mercado unha solución integral capaz de responder ás necesidades do proxecto.
Realizada
Obtención do financiamento
2024-2025
Seleccionado polo Ministerio de Ciencia, Innovación e Universidades na Liña FID, con cofinanciamento do 60 % do FEDER 2021-2027. Concesión definitiva en febreiro de 2025.
Realizada
Aprobación do marco normativo
2025
Aprobación do Decreto 95/2025, que regula o SVCC, publicado no Diario Oficial de Galicia en outubro de 2025.
Realizada
Licitación da Oficina Técnica de Apoio
2026
Contratación do servizo de apoio á Consellería de Medio Ambiente e Cambio Climático na planificación, supervisión, xustificación e comunicación do proxecto.
Realizada
Licitación do contrato de desenvolvemento da plataforma
2025-2026
Publicación e tramitación da Compra Pública de Innovación para o desenvolvemento, validación e posta en servizo da plataforma tecnolóxica SICLE CO2.
En curso
Formalización do contrato e inicio do desenvolvemento
2026-2027
Tras a formalización do contrato, iniciarase o desenvolvemento da plataforma tecnolóxica SICLE CO2.
Próxima
Posta en marcha do mercado de créditos de carbono
Próxima fase
Despregamento da Plataforma de créditos de carbono de Galicia (marketplace / Compoñente C), con rexistro de proxectos, compravenda e trazabilidade de créditos, dando cumprimento ao Decreto 95/2025.
Próxima
Desenvolvemento completo da plataforma SICLE CO2
Horizonte: 31.12.2028
Construción, integración e validación do resto de compoñentes: cartografía e potencial de absorción, monitorización de proxectos, simulación e xemelgos dixitais.
Próxima
Operación, soporte, certificación, formación e dinamización
Próxima fase
Fase orientada á operación do sistema, ao soporte aos axentes participantes, á certificación, á formación e á dinamización do SVCC.
Contratos públicos vinculados a SICLE CO2
O proxecto articúlase principalmente mediante dous contratos públicos, accesibles no perfil do contratante da Consellería de Medio Ambiente e Cambio Climático a través da Plataforma de Contratos Públicos de Galicia.
Desenvolvemento, validación e posta en servizo da plataforma tecnolóxica SICLE CO2
Servizo de consultoría de apoio á Consellería en planificación, supervisión, xustificación e comunicación do proxecto
consultas preliminares ao mercado
Eventos e actividades do proxecto
Antes da licitación de SICLE CO2, a Xunta de Galicia realizou unha Consulta Preliminar ao Mercado para coñecer as solucións tecnolóxicas dispoñibles e contrastar a capacidade do mercado para responder ao reto formulado.
O proceso, desenvolvido entre 2022 e 2023, contou coa participación de máis dun cento de entidades —empresas, pemes, universidades e centros tecnolóxicos— e recibiu 28 propostas de solución.
A consulta confirmou que non existía unha solución integral capaz de responder ás necesidades de dixitalización, trazabilidade e adaptación requiridas para xestionar o potencial de absorción de CO₂ de Galicia nos ámbitos forestal, agrícola e costeiro. Puxo de manifesto a capacidade do ecosistema empresarial e científico para abordar o reto e o potencial de enfoques como o Carbon Farming e o Blue Carbon.
Estas conclusións permitiron definir o alcance de SICLE CO2 e fundamentar o seu desenvolvemento mediante Compra Pública de Innovación.
> Próximos eventos
Os próximos eventos publicaranse nesta páxina a medida que se confirmen e sexan validados para a súa comunicación. Poderán incluír xornadas de presentación, sesións de activación para axentes do sistema, encontros técnicos, actividades de transferencia ou participación en foros vinculados á Compra Pública de Innovación, á acción climática, á sustentabilidade e á innovación pública.